ਮੁਕਤਸਰ- ਕਮਾਲ ਬਿਉਰੋ
ਅੱਜ ਮੁਕਤਸਰ ਵਿਖੇ ਮਾਘੀ ਦੇ ਮੇਲੇ ਦੋਰਾਨ ਹੋਰਨਾਂ ਪਾਰਟੀਆਂ ਵਾਂਗ ਆਪ ਵਲੋਂ ਵੀ ਇਕ ਵਿਸ਼ਾਲ ਕਾਨਫਰੰਸ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿਚ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਬਾਦਲਾਂ ਤੇ ਹਮਲਾ ਬੋਲਦਿਆਂ 2017 ਦੀਆਂ ਚੋਣਾਂ ਲਈ ਬਿਗੁਲ ਵਜਾ ਦਿੱਤਾ। ਕੇਜਰੀਵਾਲ ਨੇ ਕਿਹਾ ਕੇ ਪੰਜਾਬ ਜੋ ਕੇ ਕਿਸਾਨਾਂ ਦੀ ਧਰਤੀ ਮੰਨੀ ਜਾਂਦੀ ਹੈ ਪਿਛਲੇ 10 ਸਾਲਾਂ ਵਿਚ ਬਾਦਲਾਂ ਨੇ ਇਸ ਦਾ ਇਹ ਹਾਲ ਕਰ ਦਿੱਤਾ ਹੈ ਕੇ ਕਿਸਾਨ ਖੁਦਕੁਸ਼ੀਆਂ ਕਰਨ ਨੂੰ ਮਜਬੂਰ ਹੋਏ ਪਏ ਹਨ ਇਸ ਦੋਰਾਨ ਓਹਨਾਂ ਨੇ ਪੀਲੇ ਰੰਗ ਦੀ ਪਗੜੀ ਵੀ ਧਾਰਨ ਕੀਤੀ ਹੋਈ ਸੀ । ਓਹਨਾਂ ਨਿਸ਼ਾਨਾਂ ਤੇਜ਼ ਕਰਦਿਆਂ ਹੋਇਆਂ ਇਹ ਕਿਹਾ ਕੇ ਬਾਦਲਾਂ ਨੇ ਨਾਂ ਸਿਰਫ ਪੰਜਾਬ ਨੂੰ ਲੁਟਿਆ ਹੈ ਸਗੋਂ ਗੁੰਡਾਗਰਦੀ ਨੂੰ ਵੀ ਬੜਾਵਾ ਦਿੱਤਾ ਹੈ। ਕੇਜਰੀਵਾਲ ਨੇ ਕਿਹਾ ਕੇ ਤੁਸੀਂ ਅੱਜ ਇਥੇ ਆਏ ਹੋ ਮੈੰਨੂ ਯਕੀਨ ਹੈ ਕੇ ਜਿਵੇਂ ਆਪ ਨੂੰ 70 ਵਿਚੋਂ 67 ਸੀਟਾਂ ਦਿੱਲੀ ਵਿਚ ਮਿਲੀਆਂ ਓਦਾਂ ਹੀ 100 ਸੀਟਾਂ 117 ਵਿਚੋਂ ਦਵਾ ਕੇ ਬਦਲਾਂ ਤੋਂ ਪੰਜਾਬ ਨੂੰ ਮੁਕਤ ਕਰਵਾਓਗੇ।
ਕੇਜਰੀਵਾਲ ਨੇ ਕੇਹਾ ਕੇ ਦਿੱਲੀ ਵਿਚ ਸਾਡੀ ਸਰਕਾਰ ਨੇ 80 ਪ੍ਰਤਿਸ਼ਤ ਭ੍ਰਿਸ਼ਟਾਚਾਰ ਘੱਟ ਕਿੱਤਾ ਹੈ ਮੇਰਾ ਇਕ ਮੰਤਰੀ ਇਸ ਵਿਚ ਪਾਇਆ ਤੇ ਮੈ ਉਸ ਨੇ ਬਰਖਾਸਤ ਕਰ ਦਿੱਤਾ , ਅਗਰ ਮੇਰਾ ਬੇਟਾ ਵੀ ਭ੍ਰਿਸ਼ਟ ਹੋਵੇਗਾ ਤਾਂ ਉਸ ਨੂੰ ਵੀ ਘਰੋਂ ਬਾਹਰ ਕੱਡ ਦੇਵਾਂਗਾ ਪਰ ਭ੍ਰਿਸ਼ਟਾਚਾਰ ਨਹੀ ਹੋਣ ਦੇਵਾਂਗਾ।
No comments:
Post a Comment