ਬਾਬਾ ਬੁੱਲਣ ਸ਼ਾਹ ਟੂਰਨਾਮੈਂਟ ਦਾ ਖਿਤਾਬ ਸਪੋਰਟਸ ਕਲੱਬ ਲਾਲਪੁਰਾ ਦੀ ਝੋਲੀ ਪਿਆ।

ਰਈਆ – ਸਿਮਰਦੀਪ ਸਿੰਘ 

ਪਿੰਡ ਹਸਨਪੁਰ ਵਿਖੇ ਬਾਬਾ ਬੁੱਲਣ ਸ਼ਾਹ ਸਪੋਰਟਸ ਕਲੱਬ (ਰਜਿ) ਵਲੋਂ ਐਨ ਆਰ ਆਈ ਭਰਾਵਾਂ ਅਤੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਦੋ ਰੋਜਾ ੨੧ਵਾਂ ਕਬੱਡੀ ਟੂਰਨਾਮੈਂਟ ਕਰਾਇਆ ਗਿਆ ਜਿਸ ਵਿੱਚ ਵਿਧਾਇਕ ਸੰਤੋਖ ਸਿੰਘ ਭਲਾਈਪੁਰ ਵਿਸ਼ੇਸ਼ ਤੌਰ ਤੇ ਪਹੁੰਚੇ।ਇਸ ਵਿੱਚ ਲੜਕਿਆਂ ਦੀ ਕਬੱਡੀ ਦੇ ਨਾਲ ੪੫ ਸਾਲ ਤੋਂ ਉਪਰ ਦੇ ਨੌਜਵਾਨਾਂ ਅਤੇ ਲੜਕੀਆਂ ਦਾ ਸ਼ੋਅ ਮੈਚ ਵੀ ਕਰਾਇਆ ਗਿਆ।ਪ੍ਰਸਿਧ ਕੁਮੈਂਟੇਟਰ ਸ਼ਿਵ ਯੋਧੇ ਨੇ ਟੂਰਨਾਮੈਂਟ ਦੌਰਾਨ ਆਪਣੀ ਦਮਦਾਰ ਅਵਾਜ ਅਤੇ ਸ਼ੇਅਰਾਂ ਨਾਲ ਦਰਸ਼ਕਾਂ ਨੂੰ ਕੀਲ਼ੀ ਰੱਖਿਆ।ਕਬੱਡੀ ਦੇ ਫਾਈਨਲ ਦਾ ਖਿਤਾਬ ਸ਼ਹੀਦ ਭਗਤ ਸਿੰਘ ਸਪੋਰਟਸ ਕਲੱਬ ਲਾਲਪੁਰਾ ਨੇ ਬਾਬਾ ਬੁੱਲਣ ਸ਼ਾਹ ਸਪੋਰਟਸ ਕਲੱਬ ਨੂੰ ੧੬ ਦੇ ਮੁਕਾਬਲੇ ੨੪ ਅੰਕਾਂ ਨਾਲ ਜਿੱਤ ਕੇ ਆਪਣੀ ਝੋਲੀ ਪਾਇਆ।ਅੰਤ ਵਿੱਚ ਪ੍ਰਬੰਧਕ ਕਮੇਟੀ ਵਲੋਂ ਜੇਤੂਆਂ ਨੂੰ ਨਕਦ ਇਨਾਮ ਤਕਸੀਮ ਕੀਤੇ ਗਏ।ਇਸ ਟੂਰਨਾਮੈਂਟ ਨੂੰ ਕਰਾਉਣ ਵਿੱਚ ਪ੍ਰਧਾਨ ਗੁਰਪਾਲ ਸਿੰਘ, ਸਰਪੰਚ ਗਲੁਜਾਰ ਸਿੰਘ, ਮੁਖਤਾਰ ਸਿੰਘ ਸਾਬਕ ਸਰਪੰਚ, ਝਿਰਮਲ ਸਿੰਘ ਪੰਚ, ਸੂਬੇਦਾਰ ਹਰਦੇਵ ਸਿੰਘ, ਸਰਜੀਤ ਸਿੰਘ, ਦਲਬੀਰ ਸਿੰਘ, ਜੀਤਾ ਕੋਚ, ਅਮਨਦੀਪ ਸਿੰਘ, ਇਦਰਜੀਤ ਸਿੰਘ ਉਸਤਾਦ, ਰਛਪਾਲ ਸਿੰਘ, ਸੰਤੋਖ ਸਿੰਘ, ਸੁਖਦੇਵ ਸਿੰਘ ਬਾਬਾ, ਗੁਰਪ੍ਰੀਤ ਸਿੰਘ ਖਾਲਸਾ ਆਦਿ ਨੇ ਵਿਸ਼ੇਸ਼ ਯੋਗਦਾਨ ਪਾਇਆ।